گولڑہ شریف: نواسہ رسول حضرت امام حسینؑ کی شہادت کے سلسلے میں روایتی جلوس حسب سابق برآمد ہوا

اسلام اباد (صدائے سچ نیوز) وفاقی دارالحکومت کے علاقے گولڑہ شریف گلشن خداداد میںملک اجمل و برادران کے زیر اہتمام نواسہ رسول حضرت امام حسین علیہ السلام کی شہادت کے سلسلے میں دو محرم الحرام کاروایتی جلوس حسب سابق بعدازنمازظہرین ملک اجمل مکان سے شروع ہوکر پیر حسن شاہ کاظمی کے گھر کے باہر نمازمغربین سے قبل پُرامن طور پر اختتام پذیر ہوگیا۔

اس کے اس موقع پر ماتمی سنگت سخی مزمل بادشاہ اور دیگر ماتمی تنظیموں نے نوحہ خوانی اور سینہ کوبی کی۔ اس موقع پر مقررین نےنواسہ رسول حضرت امام حسین علیہ السلام کی لازوال قربانی کو اجاگر کیا۔ جلوس کے منتظمین ملک اجمل و برادران نے تمام شرکائے جلوس کا شکریہ ادا کیا۔

آخر میں تمام عزاداران امام حسین علیہ السلام کی لنگر حسینی سے تواضع کی گئی جبکہ عزاداروں اور ماتمی تنظیموں نے ملک اجمل و برادران کی طرف سے گولڑہ شریف میں عزاداری کے فروغ کے حوالے سے خدمات کو سراہا۔