امریکی مذاکرات کار ایران کیساتھ رابطے میں ہیں، ترجمان وائٹ ہاؤس

واشنگٹن(صداۓ سچ نیوز) وائٹ ہاؤس کا کہنا ہے کہ امریکی مذاکرات کار ایران کے ساتھ رابطہ برقرار رکھے ہوئے ہیں، تاہم جنگ کے دوران ایران اپنی قیادت کے بحران سے نمٹنے میں مشکلات کا شکار ہے۔

امریکی میڈیا کو جاری بیان میں وائٹ ہاؤس کی ترجمان اینا کیلی نے کہا کہ ڈونلڈ ٹرمپ ایران کے ساتھ صرف اسی صورت معاہدہ کریں گے جو امریکی قومی سلامتی کو اولین ترجیح دے۔

انہوں نے کہا کہ صدر ٹرمپ واضح کر چکے ہیں کہ ایران کبھی بھی جوہری ہتھیار حاصل نہیں کر سکتا۔

یہ بھی پڑھیں: پینٹاگون کا جدید میزائل خطرات کیخلاف مؤثر دفاعی صلاحیت سے محرومی کا اعتراف

ترجمان وائٹ ہاؤس کا یہ بیان اس کے بعد سامنے آیا ہے جب ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ ایران کو غیر جوہری معاہدے پر دستخط کرنے کا طریقہ ہی نہیں آتا اور وہ جلد سمجھداری کا مظاہرہ کرے