پنجاب میں سردیوں کی چھٹیوں کا امکان، ممکنہ تاریخیں سامنے آگئیں

لاہور(صداۓ سچ نیوز) پنجاب کے تعلیمی اداروں میں سردیوں کی چھٹیوں کے حوالے سے اہم پیش رفت سامنے آگئی ہے، تاہم حکومت پنجاب کی جانب سے تاحال تعطیلات کی حتمی تاریخوں کا اعلان نہیں کیا گیا۔

سردی کی شدت میں اضافے اور دھند کے خدشے کے باعث طلبہ اور والدین موسم سرما کی تعطیلات کے اعلان کے منتظر ہیں۔ گزشتہ سال پنجاب میں 22 دسمبر سے 10 جنوری تک سردیوں کی چھٹیاں دی گئی تھیں۔

گزشتہ سال کے شیڈول کو مدنظر رکھتے ہوئے رواں سال پنجاب میں سردیوں کی چھٹیوں کا ممکنہ آغاز 21 دسمبر 2026 سے ہونے کا امکان ہے، جبکہ تعطیلات 10 جنوری 2027 تک جاری رہ سکتی ہیں۔

ممکنہ شیڈول کے مطابق صوبے بھر کے تعلیمی ادارے 11 جنوری 2027 کو دوبارہ کھل سکتے ہیں۔

تاہم سردیوں کی چھٹیوں کی حتمی تاریخوں اور دورانیے کا فیصلہ حکومت پنجاب کرے گی، جس کا باقاعدہ اعلان سرکاری نوٹیفکیشن کے ذریعے کیا جائے گا۔ طلبہ اور والدین کو حتمی اعلان کے لیے حکومتی نوٹیفکیشن کا انتظار کرنا ہوگا۔