نیو اعظم کلاتھ مارکیٹ کے پلازہ میں آتشزدگی، ریسکیو کا بڑے پیمانے پر آپریشن جاری

لاہور (صداۓ سچ نیوز) لاہور کے علاقے شیرانوالہ گیٹ کے قریب نیو اعظم کلاتھ مارکیٹ میں واقع ایم زیڈ پلازہ کی چوتھی منزل پر کپڑے کے گودام میں آگ بھڑک اٹھی، جس پر ریسکیو 1122 کی ٹیمیں فوری طور پر موقع پر پہنچ گئیں۔

ریسکیو حکام کے مطابق آگ بجھانے کے لیے بھرپور آپریشن جاری ہے، جس میں 7 فائر وہیکلز اور 2 ریسکیو وہیکلز حصہ لے رہے ہیں۔ اس کے علاوہ 2 اسپیشلائزڈ ریسکیو وہیکلز، ایک ایمبولینس، 2 موٹر بائیکس اور 45 ریسکیو اہلکار بھی امدادی کارروائیوں میں مصروف ہیں۔

ترجمان ریسکیو کے مطابق ریسکیو آپریشن کی نگرانی ضلعی ایمرجنسی آفیسر ڈاکٹر رضوان چوہدری خود کر رہے ہیں، جبکہ آگ پر قابو پانے اور مزید پھیلاؤ کو روکنے کے لیے امدادی کارروائیاں تیزی سے جاری ہیں۔