پاسدران انقلاب کا کویت میں امریکی پیٹریاٹ ائیر ڈیفنس سسٹم اور MQ-9 ڈرونز کے ہینگر کو تباہ کرنے کا دعویٰ

تہران (سداۓ سچ نیوز) ایران کے پاسداران انقلاب نے امریکی حملوں کے جواب میں کویت میں موجود امریکی فوجی اڈوں کو نشانہ بنانے کا دعویٰ کیا ہے۔

پاسداران کے شعبہ تعلقات عامہ نے اپنے بیان میں کہا کہ انہوں امریکی فوج کی کارروائیوں کے جواب میں کویت میں واقع علی السالم ایئر بیس پر ڈرون حملہ کیا جس میں ایک بڑا اسلحہ گودام، پیٹریاٹ دفاعی نظام اور MQ-9 ڈرونز کے ہینگر کو تباہ کیا گیا۔

بیان میں مزید کہا گیا کہ العدیری کیمپ میں امریکی افواج کی رہائشی تنصیبات اور دو ہیلی کاپٹر ہینگرز کو بھی نشانہ بنایا گیا جس کے نتیجے میں متعدد امریکی اہلکار ہلاک اور زخمی ہوئے، جبکہ کئی ہیلی کاپٹروں اور ڈرونز کو شدید نقصان پہنچا۔

سپاہ پاسداران کے مطابق امریکی فوج کی جانب سے ایران میں ایک مواصلاتی ٹاور کو نشانہ بنانے کے ردعمل میں کویت میں ایک مواصلاتی ٹاور پر بھی حملہ کیا گیا۔