بحیرہ احمر میں حوثیوں کے حملے ایرانی ایجنڈے کی تکمیل ہیں، یمنی وزیراعظم

صنعاء (صداۓ سچ نیوز) یمن کے وزیراعظم شایع محسن الزندانی کا کہنا ہےکہ بحیرہ احمر میں حوثیوں کے حملے ایرانی ایجنڈے کی تکمیل ہیں۔

سوشل میڈیا پر جاری بیان میں یمنی وزیراعظم نےکہا کہ تجارتی بحری جہازوں کو نشانہ بنانا ثبوت ہے کہ حوثی ایرانی ایجنڈے پر عمل کر رہے ہیں، حوثی حملوں سے جہاز  رانی کی آزادی، عالمی تجارت اور سپلائی چین خطرے میں ہے۔

 یمنی وزیراعظم کا کہنا ہےکہ  جہاز رانی کی آزادی اور بحری سلامتی کا تحفظ اجتماعی ذمہ داری ہے، عالمی برادری حوثیوں کے اقدامات روکنے کے لیے مضبوط مؤقف اپنائے، عالمی برادری  حوثیوں کی حمایت کے ذرائع ختم کروائے، یمن کی حکومت سعودی قیادت میں قائم اتحاد کے ساتھ قریبی رابطہ جاری رکھےگی۔