پابندیوں کے باوجود ایران میں جوہری توانائی کے منصوبے جاری رکھیں گے، روسی ایجنسی

ماسکو (صداۓ سچ نیوز) روس کی سرکاری نیوکلیئر انرجی کارپوریشن ‘روس ایٹم’ کے سربراہ نے اعلان کیا ہے کہ کمپنی بین الاقوامی پابندیوں میں اضافے کے باوجود ایران میں اپنے جوہری توانائی کے منصوبوں پر کام جاری رکھے گی۔ 

روس ایٹم کے سی ای او الیکسی لیخاچیف  نے جمعرات کے روز روس کی جوہری صنعت کی 81ویں سالگرہ کے موقع پر ملازمین کے نام ایک پیغام میں ان خیالات کا اظہار کیا۔ 

انہوں نے کہا کہ کمپنی بڑھتی ہوئی پابندیوں کے باوجود اپنا کام جاری رکھے ہوئے ہے اور ایران، مصر، ہنگری اور بھارت سمیت متعدد ممالک میں اپنے منصوبوں کو تیزی سے آگے بڑھا رہی ہے۔

خیال رہے کہ لیخاچیف نے اس سے قبل ایران کے موجودہ بوشہر نیوکلیئر پاور پلانٹ کے  ساتھ ایک ہزار میگاواٹ پیداواری صلاحیت کے حامل مزید دو نئے جوہری توانائی یونٹس تعمیر کرنے کے منصوبے کا اعلان بھی کیا تھا۔