ایران نے جوہری یا بیلسٹک میزائل پروگرام بحال کیا تو دوبارہ حملہ کریں گے، اسرائیلی وزیر

تل ابیب (صداۓ سچ نیوز) الجزیرہ کے مطابق اسرائیلی خبر رساں ویب سائٹ سے گفتگو میں اسرائیلی وزیر توانائی ایلی کوہن نے کہا ہے کہ امریکا کے ساتھ معاہدہ ہونے کی صورت میں بھی اگر ایران نے غلطی کی اور جوہری یا بیلسٹک میزائل پروگرام بحال کرنے کی کوشش کی تو اسرائیل حملہ کرے گا۔

اسرائیلی وزیر کے مطابق اگر اسرائیل نے ایران پر حملہ نہ کیا ہوتا تو ایران جوہری ہتھیار حاصل کرچکا ہوتا۔

انہوں نے دعویٰ کیا کہ اسرائیلی انٹیلی جنس کے جائزے کے مطابق امریکا اور اسرائیل کے مشترکہ حملوں سے ایران کا جوہری پروگرام 2 سے 4 سال پیچھے چلا گیا ہے۔

ایلی کوہن نے کہا کہ اسرائیل اپنی فوجی صلاحیت پہلے ہی ثابت کرچکا ہے۔