انفارمیشن گروپ گریڈ 20 کے تجربہ کار افسر شفقت عباس ڈائریکٹر جنرل انٹرنل پبلسٹی ونگ تعینات

اسلام آباد (صدائے سچ نیوز) وزارتِ اطلاعات و نشریات نے انفارمیشن گروپ کے گریڈ 20 کے سنئیر و تجربہ کارافسر شفقت عباس کو ڈائریکٹر جنرل انٹرنل پبلسٹی ونگ تعینات کر دیا ہے۔

وزارتِ اطلاعات و نشریات کی جانب سے منگل کو جاری نوٹیفکیشن کے مطابق شفقت عباس جو اس سے قبل لاہور میں ریجنل انفارمیشن آفس، پریس انفارمیشن ڈیپارٹمنٹ میں ڈائریکٹر جنرل (پی آر) کے فرائض انجام دے رہے تھے، کو فوری طور پر نئی ذمہ داریاں سونپی گئی ہیں۔

نوٹیفکیشن کے مطابق شفقت عباس کی تعیناتی ڈائریکٹر جنرل انٹرنل پبلسٹی ونگ عاشق حسین شیخ کی جگہ کی گئی ہے اور آئندہ احکامات تک وہ اس عہدے پر اپنے فرائض انجام دیں گے۔اس سے قبل وہ جوائنٹ سیکرٹری وزارت اطلاعات و نشریات کے انفارمیشن گروپ کی اہم سیٹوں پر کامیابی سے کام کرچکے ہیں.