پیٹرولیم مصنوعات کی قیمتوں میں بار بار ردوبدل لاہور ہائیکورٹ میں چیلنج

لاہور (صداۓ سچ نیوز) پیٹرولیم مصنوعات کی قیمتوں میں مسلسل ردوبدل کو لاہور ہائیکورٹ میں چیلنج کردیا گیا۔

جوڈیشل ایکٹوزم پینل نےقیمتوں میں بارباراضافے اورکمی کےخلاف متفرق درخواست دائرکردی،درخواستگزار کےمؤقف کےمطابق 9 اکتوبر سے 29 اکتوبر تک پیٹرولیم مصنوعات کی قیمتوں میں 15 مرتبہ ردوبدل کیا گیا،جن میں 11 مرتبہ قیمتوں میں اضافہ جبکہ تین مرتبہ کمی کی گئی۔

درخواست میں کہا گیا ہے کہ پیٹرولیم مصنوعات کی قیمتوں میں اضافے کے باعث ملک میں مہنگائی بڑھ گئی ہے اور شہری مہنگائی کے بوجھ تلے دب چکے ہیں۔

درخواست گزار نے عدالت سے استدعا کی ہے کہ پیٹرولیم مصنوعات کی قیمتوں کے تعین سے متعلق مکمل ریکارڈ طلب کیا جائے۔