اسلام آباد: ایف نائن پارک میں بریسٹ کینسر سے آگاہی کے لیے ’’پیڈل پنک‘‘ ایونٹ کا انعقاد

اسلام آباد )sdaY sc ni اسلام آباد (صداۓ سچ نیوز) ایف نائن پارک اسلام آباد میں بریسٹ کینسر سے متعلق آگاہی کے فروغ کے لیے ’’پیڈل پنک‘‘ کے عنوان سے خصوصی ایونٹ کا انعقاد کیا گیا، جس میں وزیراعظم یوتھ پروگرام کے فوکل پرسن سید ذیشان علی نقوی نے شرکت کی اور ایونٹ کے انعقاد میں معاونت فراہم کی۔

ایونٹ کا مقصد بریسٹ کینسر کے حوالے سے عوام میں شعور بیدار کرنا، بروقت تشخیص کی اہمیت اجاگر کرنا اور احتیاطی تدابیر کے بارے میں آگاہی فراہم کرنا تھا۔ اس موقع پر نوجوانوں اور شہریوں کی صحت عامہ سے متعلق سرگرمیوں میں شمولیت کی اہمیت پر بھی زور دیا گیا۔

ڈسٹرکٹ ہیلتھ آفس اسلام آباد نے سید ذیشان علی نقوی کی معاونت اور تعاون پر ان کا شکریہ ادا کرتے ہوئے کہا کہ ان کی حمایت نے عوامی صحت کے فروغ، نوجوانوں کی شمولیت اور احتیاطی صحت کے اقدامات میں کمیونٹی کی شرکت کی اہمیت کو اجاگر کیا۔

ڈسٹرکٹ ہیلتھ آفس اسلام آباد نے اس عزم کا اظہار کیا کہ بریسٹ کینسر سمیت مختلف بیماریوں سے متعلق آگاہی کے فروغ اور عوام کو صحت مند زندگی کی جانب راغب کرنے کے لیے ایسی سرگرمیاں اہم کردار ادا کرتی ہیں۔