ایران کا امریکہ کو طاقتور اور معقول جواب دینے کا دعویٰ، جنگ روکنے کی ذمہ داری واشنگٹن پر عائد کر دی

تہران (صداۓ سچ نیوز) ایران کی پارلیمنٹ کے اسپیکر اور امریکہ کے ساتھ مذاکرات میں ایرانی وفد کے سربراہ محمد باقر قالیباف نے کہا ہے کہ جنگ کو روکنے کے لیے اب فیصلہ واشنگٹن کے ہاتھ میں ہے، جبکہ تہران امریکی مؤقف کا طاقتور اور معقول جواب دے چکا ہے۔

ٹیلی ویژن پر نشر ہونے والے خطاب میں قالیباف نے کہا کہ ایران اپنی سلامتی اور دفاع کے لیے مکمل طور پر تیار ہے، تاہم سفارتی راستہ بھی اس کے سامنے موجود ہے۔

انہوں نے کہا کہ خطے کے ممالک کو معلوم ہونا چاہیے کہ اسلامی جمہوریہ ایران جہاں انگلی ٹریگر پر رکھ کر جنگ کے لیے تیار ہے، وہیں اس نے امریکی فریق کو ایک طاقتور اور مدلل جواب بھی دیا ہے۔