آبنائے ہرمز کے معاملے میں چین نے ایران کی کھل کر حمایت کردی

بیجنگ (صداۓ سچ نیوز) آبنائے ہرمز کے معاملے میں چین نے ایران کی کھل کر حمایت کر دی۔

چینی وزیر دفاع ایڈمرل ڈونگ جن نے کہا ہے کہ چین کے بحری جہاز آبنائے ہرمز کے آر پار آ جا رہے ہیں، ایران کے ساتھ چین کے تجارتی اور توانائی کے معاہدے ہیں، جن کا ہم احترام کریں گے۔

یہ بھی پڑھیں: فوجی جہاز آبنائے ہرمز کے قریب آئے تو سختی سے نمٹیں گے، ایرانی پاسداران انقلاب

انہوں نے کہا کہ دوسروں سے بھی توقع ہے کہ وہ ہمارے معاملات میں دخل اندازی نہ کریں۔ آبنائے ہرمز کو ایران کنٹرول کرتا ہے اور وہ ہمارے لیے کھلا ہے۔ 

چینی وزیر دفاع نے مزید کہا کہ اُن کا ملک دنیا میں امن و استحکام میں سنجیدہ ہے اور وہ مشرق وسطیٰ کی صورت حال کو مسلسل مانیٹر کر ہے ہیں۔

یہ بھی پڑھیں: ایران سے جنگ بندی برقرار ہے، ناکہ بندی کر رہےہیں، ایران اپنا تیل نہیں بیچ سکےگا، صدر ٹرمپ

 دوسری جانب آبنائے ہرمز کے معاملے پر امریکا کی ممکنہ بحری ناکہ بندی کی دھمکی پر ترجمان چینی وزارتِ خارجہ نے ردعمل دیتے ہوئے کہا ہے کہ فریقین تحمل اور ضبط کا مظاہرہ کریں۔

ترجمان کا کہنا ہے کہ اہم آبی راستے کو محفوظ، مستحکم اور بلا رکاوٹ رکھنا بین الاقوامی برادری کے مشترکہ مفاد میں ہے۔

یہ بھی پڑھیں: صدر اردوان کی اسرائیل پر حملے سے متعلق خبر من گھڑت قرار

ترجمان چینی وزارتِ خارجہ نے کہا ہے کہ چین توانائی کے تحفظ اور فراہمی کے لیے تمام فریقین کے ساتھ کام کرنے کے لیے تیار ہے