وفاقی محتسب ایڈوائز کا فیڈرل گورنمنٹ ایمپلائز ہاوسنگ اتھارٹی کا دورہ، پیشہ ورانہ کارکردگی پر خراج تحسین

اسلام آباد: فیڈرل گورنمنٹ ایمپلائز ہاؤسنگ اتھارٹی میں وفاقی محتسب کی خصوصی ٹیم نے سینیئر ایڈوائزر حامد علی خان کی سربراہی میں اہم دورہ کیا۔ٹیم میں ہاشم پو پلزئی، چوہدری انور شامل تھے۔ محتسب کی ٹیم کے ساتھ ایف 14/ 15 کے الاٹیز جن میں طارق فہیم شیخ ،ڈاکٹر نواز احمد، محمد عبدالباسط ،نجیب ا عوان ، ڈاکٹر یوسف شامل تھے ۔ اس موقع پر ڈی جی فیڈرل گورنمنٹ ایمپلائز ہاؤسنگ اتھارٹی کیپٹن (ر) ظفر اقبال نے سینئر ڈائریکٹرز اور اعلیٰ افسران کے ہمراہ معزز وفد کا پرتپاک استقبال کیا۔

دورے کے دوران وفاقی محتسب کی ٹیم کو ہاؤسنگ اتھارٹی کے جاری ترقیاتی منصوبہ جات، انتظامی امور اور مستقبل کی منصوبہ بندی کے حوالے سے تفصیلی بریفنگ دی گئی۔ بالخصوص سیکٹر F-14/15 کی قیمتوں اور پالیسی سے متعلق اُٹھائے گئے نکات پر جامع اور تسلی بخش وضاحت پیش کی گئی۔ وفد کو آگاہ کیا گیا کہ سیکٹرز کی قیمتوں کا تعین مکمل طور پر ہاؤسنگ اتھارٹی کے مروجہ قواعد و ضوابط، شفاف پالیسی اور قانونی تقاضوں کے مطابق کیا جاتا ہے۔

وفاقی محتسب کی ٹیم نے ہاؤسنگ اتھارٹی کی کارکردگی، شفاف انتظامی امور اور عوامی سہولت کے لیے کیے گئے اقدامات کو سراہتے ہوئے کہا کہ فیڈرل گورنمنٹ ایمپلائز ہاؤسنگ اتھارٹی قومی سطح پر ایک مثالی ادارے کے طور پر اپنی خدمات انجام دے رہی ہے۔ وفد نے اتھارٹی کے ترقیاتی منصوبوں، جدید انفراسٹرکچر اور شہری سہولیات کی فراہمی کے وژن کو بھی قابلِ تحسین قرار دیا۔

اس موقع پر ڈائریکٹر جنرل کیپٹن (ر) ظفر اقبال کی قائدانہ صلاحیتوں، انتظامی بصیرت اور ادارے کی بہتری کے لیے انتھک کاوشوں کو خصوصی طور پر سراہا گیا۔ وفد نے کہا کہ ان کی قیادت میں ہاؤسنگ اتھارٹی نہ صرف کامیابی سے اپنے منصوبے مکمل کر رہی ہے بلکہ عوامی اعتماد میں بھی نمایاں اضافہ ہوا ہے۔

دورے کے اختتام پر وفاقی محتسب کی ٹیم نے ڈی جی ہاوسنگ کیپٹن (ر) ظفر اقبال اور ان کی پوری ٹیم کا شکریہ ادا کرتے ہوئے ادارے کی پیشہ ورانہ کارکردگی اور مؤثر انتظامات کی تعریف کی۔