ٹرمپ نے اپنے مشیروں کو بتایا کہ ایران کیخلاف دوبارہ جنگ نہیں کریں گے، امریکی اخبار

واشنگٹن (صدائے سچ نیوز) امریکی اخبار وال اسٹریٹ جرنل نے دعویٰ کیا ہے کہ امریکی صدر ڈونلڈ ٹرمپ نے اپنے مشیروں کو بتایا کہ ایران کے خلاف دوبارہ جنگ نہیں کریں گے۔

امریکی اخبار کے مطابق جب تک ایران کی جانب سے امریکی فوجیوں کو نشانہ نہیں بنایا جاتا، جنگ نہیں ہوگی۔

امریکی اخبار کا یہ بھی کہنا ہے کہ ٹرمپ انتظامیہ جنگ کو مزید پھیلانا نہیں چاہتی اور سفارتی حل کو ترجیح دے رہی ہے۔

دوسری جانب عرب میڈیا نے اسرائیلی کاروباری شخصیت کا ٹرمپ اور نیتن یاہو سے متعلق دعویٰ کیا ہے کہ امریکی صدر ٹرمپ نے اسرائیلی وزیرِ اعظم نیتن یاہو کو مطالبات نہ ماننے پر جیل بھیجنے کی دھمکی دی۔

رپورٹ کے مطابق نیتن یاہو کے بیٹے یائر کو امریکا سے بے دخل کرنے اور امریکا میں موجود خاندانی اثاثے منجمد کرنے کی دھمکی بھی دی گئی۔

رپورٹ میں کہا گیا ہے کہ ٹرمپ نے سارا نیتن یاہو سے شوہر کو مطالبات ماننے پر آمادہ کرنے کا کہا۔

اسرائیلی کاروباری شخصیت نے دعویٰ کیا ہے کہ سارا نیتن یاہو نے شوہر پر شدید دباؤ ڈالا۔

رپورٹ میں انکشاف کیا گیا ہے کہ نیتن یاہو نے بعد ازاں ٹرمپ سے رابطہ کیا۔