ایران نے لبنان سے اسرائیلی انخلا کی واضح ٹائم لائن مانگ لی

تہران (صداۓ سچ نیوز) ایران نے لبنان سے اسرائیلی انخلا کی واضح ٹائم لائن مانگ لی۔

ایرانی وزارت خارجہ کے ترجمان اسماعیل بقائی کی صحافیوں سے گفتگو میں کہا کہ مقبوضہ لبنانی علاقوں سے غیر مشروط اسرائیلی انخلا کیلئے واضح ٹائم لائن طے کیا جائے۔

اسماعیل بقائی نے کہا کہ لبنان کی خودمختاری کا تحفظ اور جنگ کا خاتمہ پائیدار معاہدے کی بنیادی شرط ہے۔ ایران کا موقف اقوام متحدہ کے منشور اور عالمی قوانین کے بنیادی اصولوں پر مبنی ہے۔

ان کا مزید کہنا تھا کہ امریکا لبنان میں اسرائیلی جارحانہ کاررووائیاں رکوانے کیلئے اقدامات کرے۔ مفاہمتی یادداشت پر کامیاب عملدرآمد اور معاہدے کے دیر پا ہونے کیلئے اسرائیلی قبضے کا خاتمہ نا گزیر ہے۔