ڈیزل کی قیمتوں میں اضافہ، 8 ٹرینیں عارضی طور پر بند

اسلام آباد (صداۓ سچ نیوز) ڈیزل کی بڑھتی قیمتوں اور آپریشنل اخراجات میں اضافے کے باعث پاکستان ریلوے نے مختلف سیکشنز پر چلنے والی 8 ٹرینیں عارضی طور پر بند کر دی ہیں۔

بولان میل، خوشحال خان خٹک اور مہران ایکسپریس، چمن پسنجر، ماروی اور سمن سرکار ایکسپریس بھی بند کردیا گیا، مونجوداڑو اور راوی ایکسپریس کی سروس بھی فیول اخراجات میں بچت کیلئے ٹرینیں بند کی گئیں

یہ بھی پڑھیں: بجٹ اہداف پر اتفاق رائے نہیں ہوسکا، آئی ایم ایف مشن کے پاکستان میں قیام میں توسیع

کم مسافروں کے باعث بھی ٹرین آپریشن متاثر ہوا، ریلوے حکام کے مطابق فیصلہ فیول اخراجات میں بچت اور کم مسافروں کے پیش نظر کیا گیا ہے۔

ترجمان ریلوے کے مطابق حالات بہتر ہونے پر ٹرینیں بحال کر دی جائیں گی۔