غزہ میں خستہ حال عمارت گرنے سے بچوں سمیت 20 فلسطینی جاں بحق

غزہ (صداۓ سچ نیوز) غزہ میں اسرائیلی حملوں سے متاثرہ خستہ حال عمارت گرنے سےبچوں سمیت 20فلسطینی جاں بحق ہوگئے۔

عرب میڈیا کے مطابق عمارت میں بےگھر فلسطینیوں کے کئی خاندان مقیم تھے،عمارت اسرائیلی حملوں کے دوران شدید نقصان کا شکار ہوئی تھی۔

عرب میڈیا کا کہنا ہےکہ منہدم ہونے والی عمارت کے ملبے تلے کم از کم 100 فلسطینیوں کے دبے ہونے کی اطلاعات ہیں, جنہیں نکالنے کیلئے ریسکیو مشن جاری ہے، 12 افراد کو زندہ نکال لیا گیا ہے۔

غزہ سول ڈیفنس کا کہنا ہےکہ غزہ میں مسلسل بمباری اور ناکا بندی کے باعث ہزاروں کمزور اور نیم تباہ شدہ عمارتیں رہائش کے لیے انتہائی خطرناک ہو چکی ہیں۔