حافظ نعیم کا پیٹرول پر لیوی ختم ہونے تک دھرنے ختم نہ کرنے کا اعلان

کراچی (صداۓ سچ نیوز) امیر جماعت اسلامی حافظ نعیم نے پیٹرول پر لیوی ختم ہونے تک دھرنے ختم نہ کرنے کا اعلان کردیا۔

کراچی میں پریس کانفرنس کرتے ہوئے حافظ نعیم الرحمان نےاسلام آباد میں لگائے گئے کنٹینر سے ہمارا مارچ نہیں روکا جاسکتا، ہمارے پاس پلان اے ،بی اور سی موجود ہے، بہتر یہ ہے کہ حکومت حالات خراب نہ کرے، اسلام آباد میں عوام کے معمولات سکون سے چلنے دے۔

انہوں نے کہا کہ پنجاب میں سرکاری طیارہ نجی کاموں کے لیے کیوں استعمال کیا جا رہا ہے؟ اس کا آڈٹ ہونا چاہیے کہ یہ طیارہ کیسے اور کیوں خریدا گیا۔

حافظ نعیم کا کہنا تھا کہ ڈیزل کی قیمت آسمان سے باتیں کررہی ہے،کیا کرایوں میں کمی کی ہے؟ کیا اس کی بھی ایپ ہے؟ ریلوے میں عوام کو کیا ریلیف دیا ہے؟  لاک ڈاؤن کسی صورت قابل قبول نہیں۔

امیر جماعت اسلامی نے مزید کہا کہ حکومت کے ساتھ آج شام 6 بجے مذاکرات کا ایک دور ہے، حکومت کہتی ہے کہ اگر لیوی کم کردیں تو آمدنی کہاں سے ہوگی، پیٹرولیم مصنوعات کی قیمتوں میں کمی کا مکمل فارمولا پیش کیا ہے، جواب میں حکومت صرف پریزنٹیشن دے رہی ہے۔

ان کا کہنا تھا کہ اپنی ٹیم کوکہہ دیا اگر حکومت نے اسی طرح ٹالنا ہے تو مذکرات ختم کر دیں، 20  ستمبرکو اسلام آباد مارچ کا اعلان کردیا اب فیصلے سڑکوں پرہوں گے، پیٹرول لیوی ختم کیے بغیردھرنے ختم نہیں ہوں گے۔