وفاقی وزیر داخلہ محسن نقوی نے 78 افراد کیلئے سول اعزازات کی منظوری دیدی

وفاقی وزیرداخلہ محسن نقوی نے 78 افراد کیلئے سول اعزازات کی منظوری دیدی۔

اسلام آباد میں وفاقی وزیرداخلہ محسن نقوی کی زیرِصدارت گیلنٹری ایوارڈزپرخصوصی کمیٹی کا اجلاس ہوا،اجلاس میں وطن پرجانیں نچھاورکرنے والےشہداء اوربہادری کا مظاہرہ کرنےوالےغازیوں سمیت مختلف کیٹیگریزمیں 78 افراد کے لیے سول اعزازات کی منظوری دی گئی۔

وفاقی وزیرداخلہ محسن نقوی نےکہاکہ جانوں کا نذرانہ پیش کرنے اور غیرمعمولی شجاعت کا مظاہرہ کرنے والوں کی حوصلہ افزائی قومی ذمہ داری ہے۔

انہوں نےکہا کہ وطنِ عزیز شہداء اورغازیوں کی لازوال قربانیوں کا احسان مند ہے، ان کی عظیم قربانیاں پوری قوم کا سرمایہ ہیں۔