ایران کے ساتھ جنگ میں امریکا کے میزائل ذخائر میں نمایاں کمی

تہران (صداۓ سچ نیوز) ایران کے ساتھ حالیہ جنگ کے دوران امریکا کے میزائل ذخائر میں نمایاں کمی ہوئی ہے۔

اس حوالے سے ماہرین اور پینٹاگون کے اندرونی جائزوں سے واقف ذرائع کا کہنا ہے کہ ایران کے ساتھ حالیہ جنگ کے دوران امریکی فوج نے اپنے اہم میزائل ذخائر کا بڑا حصہ استعمال کر لیا ہے۔

یہ بھی پڑھیں: عیدالاضحیٰ کی تیاریاں، اسلام آباد میں 6 عارضی مویشی منڈیاں تقریباً 35 کروڑ روپے میں نیلام

امریکی میڈیا کے مطابق سینٹر فار اسٹریٹیجک اسٹڈیز کی ایک نئی رپورٹ میں سامنے آیا ہے کہ تقریباً 45 فیصد پریسیشن اسٹرائیک میزائل استعمال ہو چکے ہیں۔

 رپورٹ کے مطابق تھاڈ میزائل اور پیٹریاٹ دفاعی میزائلوں کا بھی لگ بھگ 50 فیصد ذخیرہ استعمال ہو چکا ہے، تقریباً 30 فیصد ٹوماہاک میزائل استعمال ہو چکے ہیں۔

یہ بھی پڑھیں: ایران مخالف کارروائی میں ملوث خفیہ موساد اہلکار بیرونِ ملک مشن کے دوران ہلاک

سینٹر فار اسٹریٹیجک اسٹڈیز کی رپورٹ میں کہا گیا ہے کہ قلیل مدت میں امریکا کے پاس ایران کے خلاف کارروائیاں جاری رکھنے کے لیے ہتھیار موجود ہیں، تاہم چین جیسے بڑے حریف کے خلاف بیک وقت جنگ لڑنے کے لیے موجود ذخیرہ ناکافی ہو سکتا ہے۔