ایران پر امریکا اور اسرائیل کا حملہ غیر قانونی جارحانہ جنگ ہے، ظہران ممدانی

نیویارک (صداۓ سچ نیوز) نیویارک سٹی کے میئر ظہران ممدانی نے ایران پر امریکا اور اسرائیل کے مشترکہ حملوں کو غیر قانونی جارحانہ جنگ قرار دیتے ہوئے سخت تنقید کی ہے۔

سماجی رابطے کی ویب سائٹ ایکس (سابقہ ٹوئٹر) پر اپنے بیان میں انہوں نے کہا کہ یہ کارروائیاں ایک تباہ کن پیش رفت ہیں اور خطے میں ایک نئی جنگ کا دروازہ کھول رہی ہیں۔ 

انہوں نے لکھا کہ شہروں پر بمباری، شہریوں کی ہلاکتیں اور جنگ کا نیا محاذ کھولنا امریکی عوام یہ نہیں چاہتے۔

میئر ممدانی نے نیویارک میں مقیم ایرانی نژاد شہریوں کو یقین دہانی کراتے ہوئے کہا کہ وہ شہر میں محفوظ ہیں۔ 

ان کا کہنا ہے کہ ایرانی نژاد نیویارکرز اس شہر کی ساخت کا حصہ ہیں، آپ ہمارے پڑوسی ہیں۔