اسلام آباد، ریڈ زون میں اسکول اور دفاتر کل بھی بند رہیں گے

اسلام آباد (صداۓ سچ نیوز) وفاقی دارالحکومت کی انتظامیہ نے سیکیورٹی اور دیگر وجوہات کی بنا پر کل ریڈ زون میں اسکول اوردفاتر بند رکھنے کا فیصلہ کیا ہے۔

ڈی سی اسلام آباد کی جانب سے جاری نوٹیفکیشن کے مطابق ریڈ زون میں اسکول اوردفاتر کل بھی بند رہیں گے، اسکولوں اور دفاترکو ورک فراہم ہوم کےانتظامات کی ہدایت کردی گئی۔ ریڈ زون کے اندر انٹری کو بند کر دیا گیا۔

وفاقی آئینی عدالت کو بھی کل23 اپریل کو رکھنے کا فیصلہ کرلیا گیا، ایڈیشنل رجسٹرار کی جانب سے جاری نوٹیفیکشن کے مطابق ریڈزون بندش کے باعث وفاقی آئینی عدالت بند رہے گی۔

وفاقی آئینی عدالت کی کل کی کازلسٹ منسوخ کردی گئی تاہم وفاقی آئینی عدالت کی تمام برانچ رجسٹریاں معمول کے مطابق کھلی رہیں گی۔

واضح رہے کہ مشرق وسطیٰ میں مستقل امن کےلیے پاکستان سفارتی محاذ پر بدستور متحرک ہے۔ امریکی صدر کی جانب سے جنگ بندی میں غیرمعینہ مدت کیلئے توسیع نے نئی اُمید پیدا کر دی ہے۔ ایران کو بات چیت پر آمادہ کرنے کیلئے پاکستانی قیادت کی ملاقاتیں اور ٹیلی فونک رابطے جاری ہیں۔

ایران امریکا مذاکرات کے دوسرے راؤنڈ کیلئے اسلام آباد میں کئی روز سے بڑی تیاریوں کے ساتھ کڑے سیکیورٹی انتظامات بھی برقرار ہیں۔