60 فیصد امریکی ووٹرز ایران کے خلاف جنگ شروع کرنے کے فیصلے کو غلط قرار دیدیا، سروے رپورٹ

فاکس نیوز کے ایک نئے سروے کے مطابق 71 فیصد امریکی ووٹرز سمجھتے ہیں کہ ٹرمپ انتظامیہ کے پاس ایران کے ساتھ جنگ ختم کرنے کے لیے واضح حکمتِ عملی موجود نہیں۔

سروے میں ڈیموکریٹس کے 95 فیصد، آزاد ووٹرز کے 83 فیصد جبکہ ریپبلکن ووٹرز کے 43 فیصد نے انتظامیہ کی حکمتِ عملی کو غیر واضح قرار دیا۔

ایران کے خلاف فوجی کارروائی کی مخالفت جون کے مقابلے میں بھی بڑھی ہے۔

سروے کے مطابق جون میں 58 فیصد ووٹرز نے جنگ شروع کرنے کے فیصلے کو غلط قرار دیا تھا، جبکہ تازہ سروے میں یہ شرح بڑھ کر 60 فیصد ہوگئی۔

سروے کے مطابق 47 فیصد ووٹرز کا خیال ہے کہ طویل مدت میں یہ جنگ امریکا کو زیادہ غیر محفوظ بنا دے گی، جبکہ 32 فیصد سمجھتے ہیں کہ جنگ کے نتیجے میں امریکا زیادہ محفوظ ہوگا۔