پاک بحریہ کے زیر اہتمام 1965ء کی جنگ کی یادمیں یوم بحریہ منایا گیا، آئی ایس پی آر

اسلام آباد (صداۓ سچ نیوز) آئی ایس پی آر نے بیان جاری کرتے ہوئے کہاہے کہ پاک بحریہ کے زیر اہتمام 1965ءکی جنگ کی یادمیں یوم بحریہ منایاگیا جس دوران 1965ءکی جنگ کےدوران بحری جنگجوؤں کی بہادری کو خراج عقیدت پیش کیا گیا۔

آئی ایس پی آر کے مطابق یومِ بحریہ کا آغاز قرآن خوانی اور شہداء کیلئے خصوصی دعاؤں سے کیاگیا، نیول چیف ایڈمرل نوید اشرف نے نیول ہیڈکوارٹرز اسلام آباد میں یادگارِ شہداء پر پھول رکھےاور شہداء کے اہلخانہ سے ملاقات کی جس دوران قربانیوں اور حوصلے کو خراجِ تحسین پیش کیا ۔

یومِ بحریہ کے موقع پر پاک بحریہ کی جرات،پیشہ وارانہ صلاحیت اور قربانیوں کوخراجِ تحسین پیش کیا گیا ۔ نیول چیف ایڈمرل نوید اشرف نے کہا کہ آپریشن سوم ناتھ نے محدود وسائل کے باوجود فیصلہ کن نتائج حاصل کرنے کی صلاحیت ثابت کی، آپریشن سوم ناتھ کے دوران قائم جرات اور عزم کی میراث آج بھی برقرار ہے، معرکہ حق میں بھارتی بحریہ کیخلاف پاک بحریہ کی کامیابی اسی عزم کامظہر ہے۔

آئی ایس پی آر کے مطابق ملک بھر میں یوم بحریہ کی تقریبات کا انعقاد کیا گیا