پاکستان نے 16 سال بعد ہاکی ورلڈکپ میں پہلی کامیابی حاصل کر لی

ایف آئی ایچ ہاکی ورلڈ کپ کے کلاسیفکیشن میچ میں پاکستان نے جاپان کو 3 کے مقابلے میں 4 گول سے شکست دے کر 16 سال بعد ورلڈ کپ میں پہلی کامیابی حاصل کرلی۔

پاکستان کی جانب سے رانا وحید نے 2 گول اسکور کیے جبکہ حنان شاہد اور حماد نے ایک، ایک گول کیا۔

قومی ہاکی ٹیم نے اس سے قبل 2010 کے ورلڈ کپ میں اسپین کو 2-1 سے شکست دی تھی، جس کے بعد پاکستان ورلڈ کپ کے کسی میچ میں کامیابی حاصل نہیں کرسکا تھا۔

پاکستان 2014 کے ورلڈ کپ کے لیے کوالیفائی بھی نہیں کرسکا تھا، جبکہ 2018 کے ورلڈ کپ میں قومی ٹیم ایک بھی میچ جیتنے میں ناکام رہی تھی۔

جاپان کے خلاف کامیابی کے ساتھ پاکستان نے 16 سال بعد ہاکی ورلڈ کپ میں فتح کا ذائقہ چکھ لیا۔