ٹرمپ کا ڈیموکریٹس کی ممکنہ کامیابی پر ویٹو پاور استعمال کرنے کا اعلان

واشنگٹن (صداۓ سچ نیوز) امریکی صدر ڈونلڈ ٹرمپ کا ڈیموکریٹس کی ممکنہ کامیابی پر ویٹو پاور استعمال کرنے کا اعلان، خود کو مسٹر ویٹو قرار دے دیا۔

امریکی صدر ڈونلڈ ٹرمپ نے نیویارک پوسٹ کو انٹرویو میں کہاکہ اگر ڈیموکریٹس مڈٹرم انتخابات جیت گئے تو وہ انکے بھیجے گئے بل مسلسل ویٹو کرتے رہیں گے اورملک کے معاملات خراب نہیں ہونے دیں گے۔

صدرٹرمپ کاکہنا تھا کہ ڈیموکریٹس ایک یا دو ماہ بعد محسوس کریں گے کہ وہ اپنا وقت ضائع کر رہے ہیں،جس کے بعد مذاکرات کے لیے آئیں گے اور کوئی معاہدہ طے پا جائے گا۔

ٹرمپ نےمزیدکہاکہ موقع ملے تو وہ دوبارہ صدارتی انتخاب لڑنا چاہیں گے،تاہم امریکی آئین انہیں تیسری بار صدرمنتخب ہونےکی اجازت نہیں دیتا،بطور صدر انکے پاس اب بھی دو سال سے زیادہ کا عرصہ باقی ہے۔