سردیوں میں گیس لوڈشیڈنگ کا نیا شیڈول جاری، گھریلو صارفین کو روزانہ کتنے گھنٹے گیس ملے گی؟

کراچی (صداۓ سچ نیوز) موسم سرما کے دوران گیس کی دستیابی یقینی بنانے کے لیے سوئی سدرن گیس کمپنی (ایس ایس جی سی) نے گھریلو صارفین کے لیے گیس فراہمی کا نیا شیڈول جاری کر دیا ہے، جس کے تحت صارفین کو روزانہ صرف 8 گھنٹے گیس فراہم کی جائے گی۔

ترجمان سوئی سدرن گیس کمپنی کے مطابق نئے شیڈول کا اطلاق آج سے ہوگا، جس کے تحت گھریلو صارفین کو دن میں تین مختلف اوقات میں گیس فراہم کی جائے گی۔

شیڈول کے مطابق صبح 6 بج کر 30 منٹ سے صبح 9 بجے تک گیس دستیاب ہوگی، جبکہ دوپہر 12 بجے سے ڈھائی بجے تک گیس کی فراہمی جاری رہے گی۔

اسی طرح رات کے اوقات میں شام 6 بجے سے رات 9 بجے تک گھریلو صارفین کو گیس فراہم کی جائے گی۔

ایس ایس جی سی حکام کا کہنا ہے کہ موسم سرما میں گیس کی محدود دستیابی کے پیش نظر یہ شیڈول مرتب کیا گیا ہے تاکہ دستیاب گیس کی بہتر تقسیم ممکن بنائی جا سکے۔

کمپنی کے مطابق سردیوں کے دوران گھریلو صارفین کو گیس کی فراہمی میں ترجیح دی جائے گی۔