یمنی فورسز کا گزشتہ 24 گھنٹوں کے دوران حوثیوں کیخلاف 1250 حملوں کا دعویٰ

صنعا (صداۓ سچ نیوز) یمن کی حکومتی فورسز نے اعلان کیا ہے کہ انہوں نے یمن بھر میں حوثیوں کے زیرِ قبضہ علاقوں کا کنٹرول واپس لینے کے لیے شروع کی گئی اپنی عسکری مہم ’فجر الیمن‘ کے تحت گزشتہ 24 گھنٹوں کے دوران حوثی باغیوں کے خلاف 1250 حملے کیے ہیں۔

یمنی فورسز کے ترجمان ماجد النزیلی نے سوشل میڈیا پلیٹ فارم ایکس پر جاری کردہ اپنی ایک پوسٹ میں بتایا کہ سرکاری فورسز کی جانب سے ان کارروائیوں میں لڑاکا طیاروں، ڈرونز، توپ خانے اور راکٹ لانچرز کا بھرپور استعمال کیا گیا جس کے نتیجے میں حوثیوں کی 150 گاڑیاں مکمل طور پر تباہ ہو گئیں۔

ترجمان ماجد النزیلی نے مزید کہا کہ ان حملوں نے خاص طور پر تعز کے محاذوں پر حوثی باغیوں کی قلعہ بندیوں کو تباہ کرنے میں اہم کردار ادا کیا ہے۔