تہران، امام خمینی حسینیہ سنٹر میں شہید سپریم لیڈر کا آخری دیدار جاری

تہران (صداۓ سچ نیوز) تہران کے امام خمینی حسینیہ سنٹر میں سابق سپریم لیڈر آیت اللہ علی خامنہ ای کا آخری دیدار جاری ہے۔

دنیا بھر سے آئے وفود باری باری پیش ہوکر خراج عقیدت پیش کررہے ہیں۔ علی خامنہ ای کے جسد خاکی کے ساتھ خاندان کے دیگر افراد کے تابوت بھی رکھے گئے ہیں۔

یاد رہے کہ 28 فروری کو ہونے والے حملے میں علی خامنہ کی اہلیہ ان کا داماد، ایک بہو اور دو برس کی نواسی بھی شہید ہوئی تھیں۔ چاروں شہدا کے تابوں علی خامنہ کے جسد خاکی کے ساتھ اسٹیج پر موجود ہیں۔

دوسری جانب آیت اللہ خامنہ ای کی تعزیتی تقاریب کا سرکاری شیڈول جاری کردیا گیا، 4 جولائی سے تہران میں 6 روزہ سوگ اور تعزیتی تقریبات کا آغاز ہوگا۔ 6 جولائی کو تہران کی سڑکوں پر مرکزی جنازے کا جلوس برآمد ہوگا۔

ایرانی میڈیا کے مطابق 7 جولائی کو جسد خاکی تہران سے مقدس شہر قم منتقل کیا جائے گا، 8 جولائی کو عراق کے شہر نجف اور کربلا میں تعزیتی تقاریب ہونگی، 9 جولائی کو آیت اللہ خامنہ ای کا جسد خاکی واپس ایران لایا جائے گا، اسی دن مشہد میں سابق سپریم لیڈر کی تدفین ہوگی۔ 90 ممالک کے سربراہان یا نمائندے، 90 ممالک سے مذہبی شخصیات کی شرکت متوقع ہے۔