لائق علی خان پاکستان پریس کلب یو کے لوٹن ریجن کے سینئر نائب صدر منتخب

لوٹن (صداۓ سچ نیوز) پاکستان پریس کلب یو کے لوٹن ریجن کے صدر نے عہدیداران سے استصوابِ رائے اور باہمی مشاورت کے بعد سینئر صحافی لائق علی خان کو پاکستان پریس کلب یو کے لوٹن ریجن کا سینئر نائب صدر منتخب کر دیا۔

یہ تقرری اس عہدے کے خالی ہونے کے بعد عمل میں آئی۔ حالیہ پاکستان پریس کلب یو کے کے مرکزی انتخابات میں لوٹن ریجن کے سینئر نائب صدر نواز مجید مرکزی ممبر مجلسِ عاملہ منتخب ہو گئے تھے، جس کے باعث لوٹن ریجن کے سینئر نائب صدر کی نشست خالی ہو گئی تھی۔

لائق علی خان طویل عرصے سے پاکستان پریس کلب کے ساتھ وابستہ ہیں اور برسوں کی محنت، ریاضت اور تنظیم سے وفاداری کے باعث صحافتی برادری میں نمایاں مقام رکھتے ہیں۔ گزشتہ سال وہ سب سے زیادہ ووٹ حاصل کر کے پاکستان پریس کلب یو کے کے مرکزی ممبر مجلسِ عاملہ بھی منتخب ہوئے تھے۔

صدر پاکستان پریس کلب یو کے لوٹن ریجن کی ہدایت پر عہدیداران کی مشاورت اور استصوابِ رائے کے بعد لائق علی خان کی تقرری کا فیصلہ کیا گیا، جو 10 جولائی 2026 سے فوری طور پر نافذالعمل ہے۔

اس موقع پر امید ظاہر کی گئی کہ نو منتخب سینئر نائب صدر تنظیم کے آئین، مقاصد اور صحافی برادری کی فلاح و بہبود کے لیے اپنی صلاحیتوں کو بروئے کار لائیں گے۔ تمام عہدیداران اور اراکین سے اپیل کی گئی ہے کہ وہ نو منتخب سینئر نائب صدر کے ساتھ مکمل تعاون کریں اور پاکستان پریس کلب یو کے لوٹن ریجن کو مزید مضبوط اور فعال بنانے میں اپنا بھرپور کردار ادا کریں۔