نئے وزیراعلیٰ خیبرپختونخوا کی نامزدگی کےلیے اجلاس کی تردید

اسلام آباد (صداۓ سچ نیوز) چیئرمین تحریک انصاف بیرسٹر گوہر نے نئے وزیراعلیٰ خیبرپختونخوا کی نامزدگی کےلیے اجلاس کی تردید کردی۔

اسلام آباد میں میڈیا سے گفتگو میں بیرسٹرگوہر علی خان نے کہا کہ نئےوزیراعلیٰ خیبرپختونخواکیلئے کوئی اجلاس نہیں ہوا، کسی اور وزیراعلیٰ کیلئےہم نےسوچا بھی نہیں ہے۔

بیرسٹرگوہر نے کہا کہ نیا وزیراعلیٰ کون ہوگا یہ ہم نےکبھی ایجنڈے پرنہیں رکھا، وزیراعلیٰ سہیل آفریدی تھے،ہیں اور رہیں گے گے،کوئی تبدیل کرنے کا سوچے بھی نہیں۔

چیئرمین تحریک انصاف نے کہا کہ عمران خان کی بہنوں سمیت ارکان اسمبلی کی نظر بندی ختم ہونی چاہیے، سیاسی جماعت کو جڑ سے ختم نہیں کیا جاسکتا،حکومت اس روش کوترک کرے، ایمرجنسی اور گورنرراج سے خیبرپختونخوا کے لوگ تبدیل نہیں ہورہے۔

انہوں نے کہا کہ سیاسی کمیٹی، کور کمیٹی اور پارلیمانی کمیٹی الگ الگ ڈومین میں کام کرتےہیں، یہ تینوں وہی فیصلے کرتے ہیں جو بانی پی ٹی آئی کہتے ہیں، زیادہ تر فیصلے سیاسی کمیٹی کی سفارش سے ہوتے ہیں، ہم نے آج تک عمران خان کی منشا کے بغیر فیصلے نہیں کئے۔