امریکی فوج کی مسلسل چھٹی رات ایران پر حملوں کی کارروائی مکمل، صرف فوجی اور لاجسٹک تنصیبات کو نشانہ بنانے کا دعویٰ

واشنگٹن (صداۓ سچ نیوز) امریکی فوج نے مسلسل چھٹی رات ایران پر حملوں کی کارروائی مکمل کر لی۔

امریکی سینٹرل کمانڈ( سینٹکام) نے ایکس پر بیان جاری کرتے ہوئے کہا ہے کہ  مسلسل چھٹی رات ایران پر حملوں کی کارروائی مکمل کر لی، حملوں میں ایرانی فوجی تنصیبات، ساحلی نگرانی کے مراکز کو نشانہ بنایا۔

سینٹکام کے مطابق ایران کے فضائی دفاعی نظام اور لاجسٹک تنصیبات کو بھی نشانہ بنایا گیا۔

دوسری جانب ایرانی میڈیا کے مطابق امریکی فوج نے شہری انفراسٹرکچر کو نشانہ بنایا ۔امریکی فضائیہ نے ایرانشہر ائیرپورٹ ، بندرعباس ، بندر خمیر ، اہواز اور بوشہر میں حملے کیے  اور 3  پل تباہ کردیے۔

ایرانی میڈیا کا کہنا ہے کہ بندرعباس میں رہائشی عمارت ، کمیونیکیشن ٹاور ، ریلوے اسٹیشن پر بھی حملہ کیا گیا ۔ بندر عباس کے مختلف علاقوں میں بجلی کی فراہمی بھی معطل ہوگئی جبکہ  بوشہرمیں بحری اڈوں کو بھی نشانہ بنایا گیا۔

ایرانی میڈیا کے مطابق امریکی حملوں میں7 افراد جاں بحق  اور 9 زخمی ہوئے۔