امریکا کے ناجائز مطالبات کے آگے جھکیں گے، نہ ہی دھمکیوں کی زبان برداشت کریں گے، ایران

تہران (صداۓ سچ نیوز) ایرانی وزیرخارجہ عباس عراقچی نے واضح کیا کہ وہ کسی صورت دھمکیوں کی زبان برداشت نہیں کریں گے۔

ایرانی وزیرخارجہ عباس عراقچی نے شنگھائی تعاون تنظیم کی سائیڈ لائن پر میڈیا سے گفتگو کرتے ہوئے کہا کہ ایران امریکاکے ناجائز مطالبات کے آگے کبھی نہیں جھکے گا۔

عباس عراقچی نے کہا ہمارے اصولوں کے مطابق آبنائے ہرمز میں ایرانی مفادات کو نقصان نہیں پہنچانے دیں گے، جب تک ایرانی عوام کے جائز مطالبات اور مقاصد مان نہیں لیے جاتے، ہماری کوششیں جاری رہیں گی۔

ایرانی وزیرخارجہ نے چین اور روس سے متعلق بات کرتے ہوئے کہا کہ ان کی اپنے دوست ممالک چین اور روس کے ساتھ مختلف معاملات پر مسلسل بات چیت ہوتی رہتی ہے۔