خام تیل کی قیمت 107 ڈالرز سے تجاوز کر گئی

عالمی منڈی میں خام تیل کی قیمتوں میں 2 فیصد سے زائد اضافہ ہو گیا۔

سعودی عرب میں اہم آئل پائپ لائن کی بندش اور خطے میں حوثیوں کے حملوں سمیت بحری جہازوں کو نشانہ بنائے جانے کے واقعات کے باعث تیل کی رسد سے متعلق خدشات بڑھ گئے۔

برینٹ خام تیل کی قیمت 2.90 ڈالرز یعنی 2.77 فیصد اضافے کے بعد 107.51 ڈالرز فی بیرل ہو گئی، جبکہ ویسٹ ٹیکساس انٹرمیڈیٹ کی قیمت 2.27 ڈالرز یعنی 2.27 فیصد اضافے سے 102.32 ڈالرز فی بیرل پر پہنچ گئی۔

کاروبار کے آغاز پر خام تیل کی قیمت میں 3 فیصد سے زائد اضافہ ریکارڈ کیا گیا تھا۔

گزشتہ ہفتے عالمی منڈی میں خام تیل کی قیمت میں 8 فیصد اضافہ ہوا اور قیمت جولائی کے بعد پہلی بار 100 ڈالرز فی بیرل سے تجاوز کر گئی۔