ملک میں سونے اور چاندی کی قیمتوں میں بڑی کمی

ملک بھر میں سونے اور چاندی کی قیمتوں میں نمایاں کمی ریکارڈ کی گئی ہے۔

 آل پاکستان صرافہ جیمز اینڈ جیولرز ایسوسی ایشن کے مطابق جمعہ 30 اکتوبر کو 24 قیراط سونے کی فی تولہ قیمت 5 ہزار 100 روپے کمی کے بعد 4 لاکھ 20 ہزار 536 روپے ہوگئی۔

10 گرام 24 قیراط سونے کی قیمت 4 ہزار 373 روپے کمی سے 3 لاکھ 60 ہزار 541 روپے پر آگئی، جبکہ 10 گرام 22 قیراط سونا 4 ہزار 9 روپے سستا ہوکر 3 لاکھ 30 ہزار 507 روپے کا ہوگیا۔

بین الاقوامی مارکیٹ میں بھی سونے کی قیمت 51 ڈالر کمی کے بعد 3 ہزار 980 ڈالر فی اونس ریکارڈ کی گئی۔

دوسری جانب چاندی کی قیمت میں بھی کمی ہوئی ہے۔ فی تولہ چاندی 238 روپے سستی ہوکر 5 ہزار 530 روپے جبکہ 10 گرام چاندی 204 روپے کمی کے بعد 4 ہزار 741 روپے کی ہوگئی۔

بین الاقوامی مارکیٹ میں چاندی کی قیمت 2 ڈالر 38 سینٹ کمی سے 50 ڈالر 52 سینٹ ریکارڈ کی گئی۔