ایک ہفتے میں 20 کلو آٹےکا تھیلا 400 روپے مہنگا، قیمت 32 سو روپے تک پہنچ گئی

پیٹرول اور ڈیزل کے نرخوں میں یومیہ بنیادوں پر ہونے والے اضافے نے غریب اور متوسط طبقے کی کمر توڑ کر رکھ دی ہے

ملک میں پٹرولیم مصنوعات کی قیمتوں میں اضافے کے ساتھ کوئٹہ میں آٹا بھی مہنگا ہوگیا،گزشتہ ایک ہفتے کےدوران 20 کلو آٹے کا تھیلا 400 روپے مہنگا ہوگیا،جس کےبعد قیمت 2800 سے بڑھکر 3200 روپے تک پہنچ گئی، 50 کلو آٹے کی بوری بھی 1000 روپے مہنگی ہوکر 8000 روپے کی ہوگئی۔

کوئٹہ میں آٹےکی قیمت میں ایک ہفتے کے دوران نمایاں اضافہ ہوا ہے،فی کلو آٹا 20 روپے مہنگا ہوگیا، جس کےبعد 20 کلو آٹےکا تھیلا 400 روپےاضافےسے 3200 روپےکاہوگیا،50 کلو آٹےکی بوری بھی 1000 روپےمہنگی ہوکر 8000 روپےتک پہنچ گئی ہے،دکانداروں کےمطابق آٹے کی قیمتوں میں اضافے کے باعث شہریوں پر مہنگائی کا مزید بوجھ پڑ گیا ہے۔ 

دوسری جانب منہ زور مہنگائی کا اثر اب ہفتہ وار سستے بازاروں میں بھی نمایاں نظر آنے لگا ہے،اسلام آباد میں پھلوں اور سبزیوں کی قیمتیں آسمان پر پہنچ گئیں ہیں۔