افغانستان سے پھر حملہ، پاکستان کا فوری اور ذمہ دارانہ جواب

اسلام آباد (صدائے سچ نیوز) چمن بارڈر پر افغانستان کی جانب سے کچھ عناصر نے پاکستانی پوسٹوں پربلا اشتعال فائرنگ کی،سیکیورٹی فورسز نے فوری اور مؤثر ردعمل دیتے ہوئےذمہ دارانہ جواب دیا۔

وزارت اطلاعات نے سرحد پر فائربندی کی خلاف ورزی پر بیان جاری کرتے ہوئے کہا کہ چمن بارڈر پر افغانستان سے کچھ عناصر نے پاکستانی پوسٹوں پربلا اشتعال فائرنگ کی،سیکیورٹی فورسز نے فوری اور مؤثر ردعمل دیتے ہوئےذمہ دارانہ جواب دیا۔

یہ بھی پڑھیں: جرمنی کا پاکستان کیلئے131 ملین امریکی ڈالر کی معاونت کا اعلان

فائرنگ افغانستان کی طرف سے شروع ہوئی،افغانستان کی جانب سے اس واقعے سے متعلق دعوے کو مسترد کرتے ہیں۔

سیکیورٹی فورسز نے فوری اور ذمہ دارانہ انداز میں جواب دیا،پاکستانی فورسز کی ذمہ دارانہ کارروائی سے صورتحال پر قابو پالیا گیا۔

جنگ بندی بدستور برقرار ہے،پاکستان جاری مذاکرات کیلئے پرعزم ہے اور افغان حکام سے باہمی تعاون کی توقع رکھتا ہے۔