34معصوم بچوں کی شہادت کا سانحہ ناقابلِ تلافی ہے، عبیداللہ چوہدری

اسلام آباد ( صداۓ سچ نیوز) مرکزی صدر نیشنل ایسوسی ایشن آف پرائیویٹ سکولز، چیئرمین کیریئر سکولز سسٹم محمد عبیداللہ چوہدری نے 34معصوم بچوں کی شہادت کا سانحہ ناقابلِ تلافی نقصان ہے۔

معصوم بچوں کی جدائی ان کے والدین اور اہلِ خانہ کے لیے ایسا ناقابلِ بیان دکھ ہے جسے الفاظ میں بیان کرنا ممکن نہیںاللہ تعالیٰ اپنی قدرتِ کاملہ کے صدقے تمام سوگوار والدین اور پسماندگان کو یہ عظیم صدمہ برداشت کرنے، صبرِ جمیل اور حوصلہ عطا فرمائے۔

وفد سے گفتگو میں انکا کہنا تھا کہ وہ غم کی اس گھڑی میں متاثرہ خاندانوں کے دکھ میں برابر کا شریک ہیں،اللہ تعالیٰ سب کو اس عظیم سانحے پر صبر و استقامت عطا فرمائے۔ عبیداللہ چوہدری نے مزیدنے کہا کہ بچوں کی حفاظت ہم سب کی مشترکہ ذمہ داری ہے۔

تعلیمی اداروں کی عمارتوں کی باقاعدہ جانچ پڑتال، تعمیراتی معیار کی پابندی اور حفاظتی اقدامات کو یقینی بنانا وقت کی اہم ضرورت ہے تاکہ مستقبل میں ایسے المناک واقعات سے قیمتی انسانی جانوں کو محفوظ رکھا جا سکے