چوہدری عبیداللہ کے ماموں کے انتقال پر نیشنل ایسوسی ایشن کے عہدیداروں کا اظہارِ تعزیت

اسلام آباد (صداۓ سچ نیوز) نیشنل ایسوسی ایشن آف پرائیوٹ سکولز کی کور کمیٹی کے اراکین نے سرپرست اعلی چوہدری جاوید اقبال’ چیئرمین ملک عمران’ سینئر نائب صدر نصیب اکرم سیکرٹری جنرل جواد علی’ سیکرٹری اطلاعات علی عباس کاظمی سینئر ایگزیکٹو ممبر علی عظیم کاظمی اور ممبر رجسٹریشن پیرا وقاص کیانی کی قیادت میں مرکزی صدر این اے پی ایس’ چیئرمین کیرئیر سکولز سسٹم چوہدری عبیداللہ کی رہائش گاہ پر ان سے ان کے ماموں محمد یعقوب کی رحلت پر اظہار تعزیت اور فاتحہ خوانی کی۔

شرکاء کا کہنا تھا کہ یہ دنیا فانی اور عارضی ہے انسان کا اصل ٹھکانہ اخروی زندگی میںہے۔ کامیاب اور سرخرو ہیں وہ خوش قسمت جنہوںنے عارضی جہاں میں عبادات اور نیکیوں سے اپنا دامن بھرا۔ جاوید اقبال اور ملک عمران نے کہا کہ مرحوم محمد یعقوب کی سماجی اور تعلیمی شعبوں میں اعلی خدمات آب زر سے لکھنے کے مترادف ہیں۔