سعودی فوجی اتحاد نے حوثیوں کا ایک اور حملہ ناکام بنادیا

ریاض (صداۓ سچ نیوز) سعودی فوجی اتحاد نے حوثیوں کا ایک اور حملہ ناکام بنادیا۔

ترجمان سعودی فوجی اتحاد کے مطابق ریاض اور جنوبی علاقے میں 3 ڈرونز کو  تباہ کر دیا گیا۔ قبل ازیں ریاض پر بھی حوثیوں کا میزائل حملہ ناکام بنادیا گیا، دفاعی نظام نے بیلسٹک میزائل کو فضا میں ہی مار گرایا۔

ریاض پر بیلسٹک میزائل حملے کے بعد سعودی افواج کی یمن میں بڑی کارروائی میں حوثیوں کے میزائل ذخائر اور لانچنگ پیڈز تباہ کردیئے گئے۔

سعودی اتحاد کے ترجمان ترکی المالکی کے مطابق حوثیوں کے زیرِ کنٹرول علاقوں میں بیلسٹک میزائل ذخیرہ کرنے والی 5 سرنگیں اور چار میزائل لانچنگ پلیٹ فارمز تباہ کر دیے گئے۔ حوثیوں کی دفاعی تنصیبات، جنگجوؤں کے اجتماعات اور فوجی سازوسامان کو بھی نشانہ بنایا گیا

دوسری جانب یمن کے علاقے الحدیدہ میں حوثیوں کے حملے سے رہائشی عمارت کو شدید نقصان پہنچا، نو اپارٹمنٹس پر مشتمل عمارت کے بعض حصے ملبے کا ڈھیر بن گئے۔ عمارت میں 25 افراد رہائش پذیر تھے۔ حملے سے ملحقہ عمارت اور 7 سے زائد گاڑیوں کو بھی نقصان پہنچا۔