ایران کے جزیرے قشم پر امریکی حملے کی اطلاعات، عالمی منڈی میں تیل کی قیمتیں پھر چڑھنے لگیں، آبنائے ہرمز میں کشیدگی بڑھنے کا خدشہ

واشنگٹن (صدائے سچ نیوز) امریکہ کی جانب سے ایران کے تزویراتی اہمیت کے حامل جزیرے قشم پر حملے کی اطلاعات نے عالمی منڈیوں میں ایک بار پھر تشویش کی لہر دوڑا دی ہے، جس کے نتیجے میں منگل کو خام تیل کی قیمتوں میں معمولی اضافہ ریکارڈ کیا گیا۔

تازہ پیش رفت نے مشرق وسطیٰ میں جاری آٹھ ماہ سے جاری جنگ کے مزید پھیلنے اور عالمی توانائی کی ترسیل طویل عرصے تک متاثر رہنے کے خدشات بڑھا دیے ہیں۔

خبر رساں ادارے رائٹرز کے مطابق امریکی حکام کے حوالے سے وال اسٹریٹ جرنل نے رپورٹ کیا ہے کہ امریکہ نے ایران کے جزیرے قشم پر حملے کیے ہیں۔ بعض امریکی حکام نے ان کارروائیوں کو دفاعی نوعیت کا قرار دیتے ہوئے مؤقف اختیار کیا کہ ان کا مقصد ایران کو آبنائے ہرمز سے گزرنے والے تجارتی جہازوں پر حملوں کی صلاحیت استعمال کرنے سے روکنا تھا۔