گل پلازہ، چھوٹی سے غفلت، المناک سانحے کی وجہ بن گئی

کراچی ( صداۓ سچ نیوز) چھوٹی سی غفلت گل پلازہ کے بڑے اور المناک سانحہ کی وجہ بن گئی۔

کراچی گل پلازہ میں آگ کیسے لگی، اہم تحقیقات سامنے آ گئیں، تحقیقاتی ذرائع کے مطابق مصنوعی پھولوں کی دکان کا مالک اپنے بیٹے کو دکان پر چھوڑ کر چلا گیا۔

دکان مالک کا بیٹا اور اس کا دوست مبینہ طور پر ماچس یا لائٹر سے کھیل رہے تھے، کھیل کے دوران گراؤنڈ فلور پر واقع دکان کے سامان میں آگ لگ گئی۔

تحقیقاتی ذرائع کا کہنا ہے کہ دکان میں لگنے والی آگ نے پورے پلازہ کو لپیٹ میں لے لیا، گل پلازہ کے13 دروازوں میں سے 9 دروازے وقت ختم ہونے کے باعث بند تھے۔

ذرائع کے مطابق گل پلازہ میں لگنے والی آگ کے مقدمے میں دکان کے مالک کو بھی شامل کیے جانے کا امکان ہے۔