پاکستانی ہائی کمشنر ڈاکٹر فیصل کی ڈاکٹر عباس شاہ کو "ہیلتھ ایمبیسیڈر” کا اعزاز ملنے پر مبارکباد، میڈیکل ٹورازم کے فروغ کیلئے ہر ممکن تعاون کا اعادہ

لندن (صدائے سچ نیوز) پاکستان کے معروف ہیئر ریسٹوریشن سرجن ڈاکٹر عباس شاہ نے برطانیہ میں پاکستانی ہائی کمشنر ڈاکٹر محمد فیصل سے ملاقات کی ہے۔

ملاقات کے دوران برطانیہ میں مقیم پاکستانی کمیونٹی کے حوالے سے ڈاکٹر محمد فیصل کی خدمات کی تعریف کرتے ہوئے کہا کہ فارن سروس گروپ کے افسران پاکستان کیلئے بیرون ملک ہراول دستے کا کردار ادا کر رہے ہیں۔

یہ بھی پڑھیں: حضرت لعل شہباز قلندر نے عشق ،رواداری اور خدمت خلق کا درس دیا ہے، سید قمر رضا نقوی

اس موقع پر پاکستانی ہائی کمشنر نے ڈاکٹر عباس شاہ کو ان کی پاکستان کے اندر اور برطانیہ میں میڈیکل کے حوالے سے خدمات کے اعتراف میں ملنے والے "ہیلتھ ایمبیسیڈر” کے اعزاز پر انہیں مبارکباد دیتے ہوئے کہا کہ پاکستان میں میڈیکل ٹورازم کے حوالے سے بےپناہ پوٹینشئل ہے، اگر اس پوٹینشیئل کو مناسب حکمت عملی کے ساتھ استعمال کیا جائے تو پاکستان میں نہ صرف غیر ملکی زرمبادلہ آئے گا بلکہ ٹورازم سے منسلک دیگر شعبے بھی ترقی کریں گے۔

پاکستانی ہائی کمیشن اس حوالے سے ہونیوالی تمام سرگرمیوں کی نہ صرف حوصلہ افزائی کرے گا بلکہ اس کے فروغ کیلئے ہر ممکن مدد بھی کرے گا۔