ایران کی تل ابیب پر میزائلوں کی بارش ، 20 مقامات پر دھماکے ، مزید امریکی طیارے مشرق وسطیٰ روانہ 

واشنگٹن (صداۓ سچ نیوز) امریکا نے ایران پر مزید حملے کرنے کیلئے ‏بی 2 بمبار طیارے روانہ کر دیئے۔

امریکی سینٹرل کمانڈ نے کہا کہ بی ٹو بمبار طیارے روانہ کرنے کا مقصد طویل فاصلے سے حملہ کرکے نہ صرف ایرانی حکومت سے لاحق خطرے کو ختم کرنا ہے بلکہ مستقبل میں اس کی طاقت بحال کرنے کی صلاحیت کو بھی ختم کرنا ہے۔

دوسری جانب امریکی صدر ڈونلڈ ٹرمپ نے کہا ہے کہ آج ایران پر مشرق وسطیٰ کی تاریخ کی طاقتور ترین حملے کیے گئے جس کے نتیجے میں   تمام اہداف مکمل طور پر تباہ کر دیئے گئے۔

امریکی اخبار دی وال اسٹریٹ جرنل کی رپورٹ کے مطابق امریکا نے مشرق وسطیٰ میں مزید 5 ہزار فوجیوں کو تعینات کرنے کا اعلان کیا ہے۔

ادھر ایران نے اسرائیل کے دارالحکومت تل ابیب پر میزائل حملے کئے ۔ میڈیا رپورٹس کے مطابق تل ابیب میں 20 دھماکے سنے گئے، حملے کے بعد متعدد مقامات پر آگ لگ گئی۔