ایران کے آپریشن وعدہ صادق 4 کے تحت حملوں کی 54 ویں لہر، پہلی بار ’سجیل‘ میزائل کا استعمال

تہران (صدائے سچ نیوز) ایران کے  پاسدارانِ انقلاب نے اعلان کیا ہے کہ آپریشن وعدہ صادق 4 کی 54ویں لہر کے تحت اسرائیل میں اہم فوجی اور انتظامی مراکز کو نشانہ بنایا گیا۔

پاسداران انقلاب کے بیان کے مطابق اس کارروائی میں دو ٹن وزنی وارہیڈ والے  خرمشہر میزائل، خیبر شکن میزائل، قدر اور عماد میزائل استعمال کیے گئے، جبکہ  آپریشن وعدہ صادق 4 میں پہلی بار سالڈ فیول اسٹریٹجک ’سجیل‘ میزائل بھی استعمال کیا گیا۔

یہ بھی پڑھیں: پاسدارانِ انقلاب کی اسرائیلی وزیراعظم نیتن یاہو کو ’ڈھونڈ کر قتل‘ کرنے کی دھمکی

پاسداران  کے مطابق حملوں میں اسرائیلی فضائی کارروائیوں سے متعلق انتظامی اور فیصلہ سازی کے مراکز، فوجی و دفاعی صنعتوں کے اہم انفرااسٹرکچر اور مقبوضہ علاقوں کے وسط میں موجود عسکری مقامات کو نشانہ بنایا گیا۔