باجوڑ میں افغان طالبان رجیم کا معصوم شہریوں پر حملہ، 4 بھائی شہید

باجوڑ (صداۓ سچ نیوز) باجوڑ میں افغان طالبان رجیم کے معصوم شہریوں پر حملے میں 4 بھائی شہید جبکہ 5 سال کا بچہ شدید زخمی ہو گیا۔

وفاقی وزیر اطلاعات عطا تارڑ کے مطابق افغان طالبان رجیم  نے سرحد پار حملے میں شہری آبادی کو نشانہ بنایا ۔ باجوڑ کے علاقوں تبستا لیٹائی اور سلارزئی میں حملے کے دوران ایک گھر کو نقصان پہنچا۔ شہید ہونے والے 4 بھائیوں کی شناخت ساجد،ایاز،ریاض اورمعاذ کے نام سے ہوئی۔

وزیر اطلاعات کا کہنا ہے افغان طالبان رجیم کی جانب سے شہریوں کونشانہ بنانا بنیادی انسانی اقدار کی سنگین خلاف ورزی اور  گہری مایوسی کی عکاسی ہے۔

عطا تارڑ نے کہا کہ مسلح افواج کی کامیاب کارروائیوں کے نتیجے میں افغان طالبان رجیم کو شدید دھچکے کا سامنا ہے، گھناؤنے فعل کے ذمہ دار افغان طالبان  کو منہ توڑجواب دیا جا رہا ہے۔