حکومت نے پٹرولیم مصنوعات کی قیمتوں میں مزید اضافہ کر دیا

اسلام آباد (صداۓ سچ نیوز) حکومت نے پٹرولیم مصنوعات کی قیمتوں میں مزید اضافہ کردیا۔

حکومت نے جہازوں میں استعمال ہونے والے فیول کی قیمت میں13فیصد اضافہ کردیا، جیٹ فیول45روپے 73پیسے فی لیٹر مہنگا کردیا، جیٹ فیول کی قیمت388روپے ایک پیسے فی لیٹرمقرر کردیا گیا۔ ملک بھر میں جہازوں کے کرایوں میں مزید اضافے کا خدشہ ہے۔

لائٹ ڈیزل آئل کی قیمت میں بھی 22 فیصد اضافہ کردیا گیا، لائٹ ڈیزل آئل کی قیمت میں فی لیٹر67روپے42پیسےاضافے کے بعد نئی قیمت302روپے52پیسے فی لیٹر مقرر کردیا گیا۔

دوسری جانب مٹی کا تیل 39 روپے 20پیسے فی لیٹرمہنگا ہوگیا، مٹی کے تیل کی نئی قیمت 3 سو 58روپے 1پیسے فی لیٹر مقررکیاگیا،اس سے قبل مٹی کے تیل کی قیمت 318روپے 81 پیسے فی لیٹر مقرر تھی۔

قبل ازیں وفاقی حکومت نےپٹرول اور ڈیزل پر پٹرولیم لیوی برقرار رکھنے کا فیصلہ کیا ہے، پیٹرول پر فی لیٹر 105 روپے 37پیسے اور ڈیزل پر لیوی 55روپے 24پیسے فی لیٹر برقرار رکھنےکا فیصلہ کیا گیا۔

وزارت توانائی کے مطابق وفاقی حکومت پٹرول اور ڈیزل کی قیمتیں برقرار رکھ کر 23 ارب روپےکی سبسڈی ادا کرےگی،یہ رقم آئل مارکیٹنگ کمپنیوں کو پرائس ڈیفرنشیل کلیمزکی مدمیں ادا کی جائے گی، 23 ارب روپےکی سبسڈی 14مارچ سے 20 مارچ تک کیلئے ادا کی جائے گی۔

پٹرول پرفی لیٹر49روپے 63 پیسےسبسڈی ادا کی جائےگی،ڈیزل پرفی لیٹر 75روپے 5 پیسے سبسڈی ادا کی جائےگی،وزارت توانائی کےمطابق 23 ارب روپے کے پرائس ڈیفرینشل کلیمز اوگرا کی طرف سےادا کیے جائیں گے،کابینہ سے "وزیراعظم کفایت شعاری فنڈ قائم کرنے کی منظوری حاصل کر لی ہے۔۔

ای سی سی نے 27 ارب 10 کروڑ روپےاس فنڈمیں منتقل کرنےکی منظوری دی ہےاس میں سے 23 ارب روپے اوگرا کو مذکورہ مقصد کے لیےمنتقل کیے جائیں گے۔