پاکستان اور چین کی مشترکہ بحری مشق سی گارڈین کا چوتھا مرحلہ شروع

اسلام آباد (صداۓ سچ نیوز)پاکستان اور چین کی مشترکہ بحری مشق سی گارڈین کا چوتھا مرحلہ  شروع ہو گیا، پیپلز لبریشن آرمی  نیوی کا جہاز داقِنگ  مشترکہ مشق میں شرکت کیلئے پہنچ گیا۔

آئی ایس پی آر کے مطابق  پاک بحریہ کی جانب سے چین کے جہاز داقِنگ کا پرتپاک استقبال کیا گیا۔ سی گارڈین  مشق کا چوتھا مرحلہ 25 مارچ سے دو اپریل تک جاری رہے گا، اس  دوران گن فائرنگ، مشترکہ گشت اور میری ٹائم سیکیورٹی آپریشنز ہوں گے۔  ہاربر اور سمندری مرحلے کی سرگرمیاں بھی مشق میں شامل ہیں۔ ماہرین میں تبادلہ خیال کے ساتھ نوجوان افسران کیلئےسیمینار بھی ہوگا۔ 

آئی ایس پی آر کے مطابق مشق مقصد پاک چین بحری تعاون، پیشہ ورانہ مہارت اور باہمی ہم آہنگی کوفروغ دینا ہے۔ پاک چین بحری مشقیں خطے میں امن و استحکام کے مشترکہ عزم کی عکاس ہیں۔ یہ مشق دوطرفہ اسٹریٹجک تعلقات کو مزید مستحکم بنانے میں اہم کردار ادا کرے گی۔  خطے میں محفوظ اور مستحکم بحری ماحول کے فروغ میں بھی مدد ملے گی۔