آبنائے ہرمز میں پاکستانی جہازوں، عملےکی سلامتی اور محفوظ بحری آمدورفت یقینی بنائی جائے، پاکستانی مندوب

اسلام آباد (صداۓ سچ نیوز) قوامِ متحدہ میں پاکستان کے مستقل مندوب عاصم افتخار نے آبنائے ہرمز کی بندش پر گہری تشویش کا اظہار کرتے ہوئے کہا کہ آبنائے ہرمز کی صورتحال دنیا بھر کے ممالک پر منفی اثرات مرتب کر رہی ہے، پاکستانی عوام بھی اس سے متاثر ہو رہے ہیں، اس کے اثرات توانائی کی فراہمی تک محدود نہیں بلکہ کھاد اور دیگر ضروری اشیاء تک بھی پہنچتےہیں۔

پاکستانی مستقل مندوب نے کہا آبنائے ہرمز کو جلد دوبارہ کھولنے اور حالات معمول پر لانے کے بنیادی مقصد سے متفق ہیں، یہ معاملہ خطے اور  اس سے باہر تمام ریاستوں کے لیے اہم ہے،  آبنائے ہرمز سے متعلق کسی بھی بحث یا انتظام میں جی سی سی ممالک کےجائز مفادات کو  مدنظر رکھنا ہوگا۔

یہ بھی پڑھیں: اسرائیل اور لبنان کے درمیان جنگ بندی کا آغاز، پاکستان اور فیلڈ مارشل عاصم منیر کے شکر گزار ہیں، محمد باقر قالیباف

عاصم افتخار  نے پاکستان جہازوں اور عملے کی سلامتی، محفوظ آمد و رفت اور اس آبنائے میں معمول کی بحری نقل و حرکت کی بحالی کا مطالبہ کیا۔